នោះ! ក្រៅពីដុត​រូប​សំណាក់​ហើយ​ផ្ទះ​របស់Zlatan នៅ​ស៊ុយអែត​ក៏​រង​ការ​អុកឡុកដែរ​

ក្រោយ​ពី​រូប​សំណាក់​របស់​ខ្សែ​ប្រយុទ្ធ Zlatan Ibrahimovic ត្រូវ​បាន​ដុត និង​ប្រមាថ ផ្ទះ​របស់​គេ​នៅ​រាជធានី​ស្តុកខម ក៏​ត្រូវ​បាន​គេ​អុកឡុក​ផង​ដែរ។

កាល​ពី​ពេល​ថ្មីៗ​នេះ ផ្ទះ​របស់​ Zlatan ត្រូវ​បាន​គេ​បាញ់​ថ្នាំ​ជា​ពាក្យ​ថា " Judas '' ដែល​មាន​ន័យ​ថា " ជន​ក្បត់​ " នៅ​លើ​របង​ទ្វារ​ផ្ទះ​របស់​គេ​តែ​ម្ដង​។ ក្រៅ​ពី​បាញ់​ថ្នាំ​ហើយ ក៏​មាន​ការ​គប់​ត្រី​ស្អុយ នៅ​មុខ​របង​ទ្វារ​ផ្ទះ​ទៀត​ផង​។ ហេតុការណ៍​ទាំង​នេះ​ សុទ្ធ​តែ​កើត​ឡើង​បន្ទាប់​ពី​ដំណឹង​វិនិយោគ​ក្លឹប​ Hammarby របស់​ Zlatan៕

ប្រភព៖​ CNN