ស្លាប់រាល់ថ្ងៃ! គ្រោះថ្នាក់ចរាចរណ៍ទូទាំងប្រទេស នៅថ្ងៃទី១០ ខែមិថុនាម្សិលមិញ បណ្តាលឲ្យមនុស្ស៥នាក់ស្លាប់ និង ៩នាក់រងរបួសធ្ងន់ស្រាល
ព័ត៌មាន
604

ភ្នំពេញ៖ យោងតាមរបាយការណ៍របស់អគ្គស្នងការដ្ឋាននគរបាលជាតិបានឲ្យដឹងថា មានករណីគ្រោះថ្នាក់ចរាចរណ៍ នៅទូទាំងប្រទេស នៅថ្ងៃទី១០ ខែមិថុនា ឆ្នាំ២០១៩ ចំនួន៦លើក បង្កឲ្យមានមនុស្ស៥នាក់ស្លាប់, របួសស្រាល៥នាក់ និងរបួសធ្ងន់៤នាក់។

ប្រភពព័ត៌មានដដែលបញ្ជាក់ថា នៅក្នុងហេតុការណ៍គ្រោះថ្នាក់ចរាចរណ៍ទាំង៦លើកនេះ បណ្ដាលឲ្យខូតខាតម៉ូតូចំនួន៦គ្រឿង, រថយន្តតូច៤គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមាន៖ ល្បឿន, មិនគោរពសិទ្ធ, មិនប្រកាន់ស្ដាំ, ប្រជែង, បត់ឆ្វេងស្ដាំ, និងកត្ដាយាន។

សូមបញ្ជាក់ថា រយៈពេល១០ថ្ងៃ ចាប់ពីថ្ងៃទី០១ ដល់ថ្ងៃទី១០ ខែមិថុនា ឆ្នាំ២០១៩នេះ មានករណីគ្រោះថ្នាក់ចរាចរណ៍កើតឡើង១១៤លើក, បណ្ដាលឲ្យមនុស្សស្លាប់ចំនួន៦១នាក់ របួសធ្ងន់៩៨នាក់ និងរបួសស្រាល៦២នាក់៕