ស្លាប់រាល់ថ្ងៃ! គ្រោះថ្នាក់ចរាចរណ៍ទូទាំងប្រទេសថ្ងៃទី០៥ ខែមិថុនា បណ្តាលឲ្យមនុស្ស៧នាក់ស្លាប់ និង ១៣នាក់ របួសធ្ងន់ស្រាល
ព័ត៌មាន
423

ភ្នំពេញ៖ យោងតាមរបាយការណ៍ អគ្គស្នងការដ្ឋាននគរបាលជាតិ បានឲ្យដឹងថា មានករណីគ្រោះថ្នាក់ចរាចរណ៍ នៅទូទាំងប្រទេសនៅថ្ងៃទី០៥ ខែមិថុនា ឆ្នាំ២០១៩ ម្សិលមិញនេះ បានកើតឡើងចំនួន១១លើក បង្កឲ្យមានមនុស្ស៧នាក់ស្លាប់, របួសស្រាល៤នាក់ និងរបួសធ្ងន់៩នាក់។

ប្រភពព័ត៌មានដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង១១លើកនេះ បណ្ដាលឲ្យខូតខាតម៉ូតូចំនួន១០គ្រឿង, រថយន្ដធំ៤គ្រឿង និងរថយន្តតូច៣គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមាន៖ ល្បឿន, មិនគោរសិទ្ធិ, មិនប្រកាន់ស្ដាំ, និងកត្ដាអាកាសធាតុ។

សូមបញ្ជាក់ថា រយៈពេល០៥ថ្ងៃ ចាប់ពីថ្ងៃទី០១ ដល់ថ្ងៃទី០៥ ខែឧសភា ឆ្នាំ២០១៩ មានករណីគ្រោះថ្នាក់ចរាចរណ៍ កើតឡើង៥៩លើក, បណ្ដាលឲ្យមនុស្សស្លាប់ចំនួន២៤នាក់ របួសធ្ងន់៤៩នាក់ និងរបួសស្រាល៣៤នាក់៕