គ្រោះថ្នាក់ចរាចរណ៍ទូទាំងប្រទេស ថ្ងៃទី១៧ ខែមេសា បណ្តាលឲ្យមនុស្ស ៧នាក់ស្លាប់ និង៥៥នាក់ របួសធ្ងន់ស្រាល
ព័ត៌មាន
772

ភ្នំពេញ៖ យោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ ឲ្យដឹងថា មានករណីគ្រោះថ្នាក់ចរាចរណ៍ នៅទូទាំងប្រទេសថ្ងៃទី១៧ ខែមេសា ឆ្នាំ២០១៩ កើតឡើង ចំនួន២៥លើក បង្កឲ្យមានមនុស្សស្លាប់៧នាក់, របួសស្រាល២៤នាក់ និងរបួសធ្ងន់៣១នាក់។

ប្រភពព័ត៌មានដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង២៥លើកនេះ បណ្ដាលឲ្យខូតខាតម៉ូតូ៣៣គ្រឿង, រថយន្តតូច១១គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមាន៖ ល្បឿន, មិនគោរពសិទ្ធ, ប្រជែង, បត់គ្រោះថ្នាក់, មិនប្រកាន់ស្តាំ, ងងុយដេក និងកត្ដាយាន។

សូមបញ្ជាក់ថា រយៈពេល០៥ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០១៩នេះ មានករណីគ្រោះថ្នាក់ចរាចរណ៍កើតឡើង១៣៤លើក, បណ្ដាលឲ្យមនុស្សស្លាប់ចំនួន៥៩នាក់ របួសធ្ងន់១៦៧នាក់ និងរបួសស្រាល៧១នាក់៕